रातराणी

नमस्कार मित्रानो,

पर्वा एक जुनी वही सहज चाळताना मीच लिहिलेली एक अर्धवट कविता सापडली. तेंव्हा नेमकं काय झालं होतं आठवत नाही पण हि तेंव्हा पूर्ण नाही होऊ शकली. आज ती पूर्ण करण्याचा प्रयत्न करतोय…

रातराणीचा सुगंध मला तुझी आठवण देऊन जातो
तू माझ्या बरोबर आहेस ह्याचा पुरावा देऊन जातो

आपल्या सगळ्या जुन्या आठवणींना उजाळा देऊन जातो 
तुलाही माझी आठवण येतचं असेल , हा विश्वास देऊन जातो


खरं सांग … तुलाही माझी आठवण येतंच असेल
आठवतं तुला…  तू अगदी मुक्तपणे सगळा गंध उधळायाचीस माझ्यावर

तुझा तो गंध अजूनही माझ्या प्रत्येक श्वासात ताजा आहे
अगदी आज उमललेल्या रातरानिसाराखाच…

 आणि तु सुद्धा आजही तशीच आहेस …
अगदी आपल्या पहिल्या भेटीत मला भावलेलीस तशी …