जगणं खूप सोपं असतं

२९ मे २०१३

जगणं खूप सोपं असतं
माणूस अवघड करून ठेवतो
खरं बोलायचं असतं
खरं वागायचं असतं
खरच जगणं खूप सोप्पं असतं

सगळं कसं आपल्या हातात असतं
आज केलेलं काम उद्या फळ देणारंच असतं
फळाची चिंता न करता आपण काम करायचं असतं
कर्माला फळ तर मिळणारच असतं
जगणं खरंच खूप सोप्पं असतं

जगायला पैसा हा हवाच असतो
त्यासाठी जीव झगडावा लागतो
पण म्हणून पैस्यासाठीच जगणं उपयोगाचं नसतं
जगणं खरंच खूप सोप्पं असतं

विद्यार्थ्याने मिळवावे ज्ञान, गृहस्थाने पैसा
संन्यास्याने कळवावा धर्म
न करावे चौर्य कर्म
काम करावे प्रत्येक चोख
न ठेवावा कसूर
जगणे होऊन जाईल सुलभ